Վերջին շրջանում հաղորդավար, երգահան Ավետ Բարսեղյանը կարծես տևական դադար է վերցրել: Նա չի երևում հեռուստատեսությամբ և կարծես նրա անունը նոր երգի հետ չի կապվում: Ո՞ւր է Ավետ Բարսեղյանը և ինչ ասեկոսեներ են տարածվել նրա անվան հետ:
«Շանթ» հեռուստատեսությամբ Ավետը վարում էր «Ո՞վ է ուզում դառնալ միլիոնատեր» նախագիծը, որն այլևս եթերում չէ: Սա էլ առիթ դարձավ ասեկոսեների մի նոր ալիքի, թե Ավետին հեռացրել են աշխատանքից. «Ոչ ոք ինձ ոչ մի տեղից չի հեռացրել և ոչ էլ ես եմ դուրս եկել, պարզապես «Ո՞վ է ուզում դառնալ միլիոնատեր» նախագիծն այդքան էր, ինչքան որ կար»,- ArmStar.am- ի հետ զրույցում պարզաբանեց հաղորդավարը:
Նա նաև նշեց, որ հիմա չկան նոր նախագծեր, բայց սեպտեմբերից պարզ կլինի, թե որ հեռուստատեսությամբ կներկայանա:
Իսկ հատուկ չար լեզուների համար ավելացրեց. «Շանթում ամեն ինչ նորմալ է, և ես չեմ վիճել ղեկավարության հետ: Իսկ արդեն սեպտեմբերից կսպասենք նոր եթերների»:
Սա միակ լուրը չէ՝ կապված Ավետի անվան հետ: Վերջին շրջանում նրան հաճախ տարբեր երեկույթներին, միջոցառումներում կարելի է տեսնել աղջկա ուղեկցությամբ: Ասում են՝ Ավետը շուտով կամուսնանա. «Ոչ, դեռ չեմ ամուսնացել, բայց ասեմ, որ ընկերուհի ունեմ»: Իսկ մանրամասների մասին որոշեց լռել:
