Օրեր առաջ Մերի Մակարյանը երկարատև ընդմիջումից հետո կրկին վերսկսեց իր աշխատանքը «Հարազատ թշնամի» սերիալում: ArmStar.am-ը արդեն անդրադարձել էր Մերիի` տևական ժամանակահատված եթերից բացակայելու պատճառին և դրա շուրջ պտտվող շշուկներին: Շատերը կարծում էին, թե Մերին այլևս չի ցանկանում նկարահանվել սերիալում, բայց դերասանուհին մեզ հետ զրույցում պարզաբանեց, որ պարզապես հանգստանում է և սերիալում չնկարահանվելու որոշում չի կայացրել :
Մերիի հանգիստը ֆիլմի սցենարին հարմարեցնելու համար նրա կերպարը` Լյուսկան, մեկնեց արտերկիր, որպեսզի վերադառնա միայն երեխայի ծննդյան օրերին: Ինչևէ, ArmStar.am-ը զրուցեց դերասանուհու հետ` հետաքրքրվելով, թե ինչ տրամադրությամբ է վերադարձել հանգստից: Ի դեպ օրեր առաջ նաև Մերի Մակարյանի ծննդյան օրն էր.
«Ծննդյանս օրը արտասահմանում էի, շատ հիանալի, բարձր տրամադրություն ունեի: Թե որտեղ եմ եղել, չեմ ցանկանում դարձնել հրապարակման թեմա»,-համեստությամբ նշեց դերասանուհին:
Ինչ վերաբերում է հանգստին, ապա Մերին նշեց, որ, վերադառնալով Հայաստան, անցել է աշխատանքի. «Հանգիստս ևս եղել է արտասահմանում, կրկին չեմ ուզում նշել, թե որտեղ, բայց կարող եմ ասել, որ դրական լիցքերով ու էմոցիաներով եմ վերադարձել աշխատանքի»,-ավելացրեց Մերի Մակարյանը:
