Главная » 2013 » Հոկտեմբեր » 2 » Շաբաշ Նունե Եսայանին և մեսիջ շոու-բիզնեսին
Շաբաշ Նունե Եսայանին և մեսիջ շոու-բիզնեսին
Հասարակության համար շոկային կարելի է համարել այն, որ սեպտեմբերի 21-ին Անկախության տոնի կապակցությամբ Հանրապետության հրապարակում Նունե Եսայանի համերգի համար, որին մասնակցել էր ողջ իշխանական էլիտան Սերժ Սարգսյանի գլխավորությամբ, հատկացվել է ավելի քան 54 միլիոն դրամ: Եվ այդ դրամը հատկացվել է Հայաստանի պետական գումարներից, այսինքն՝ այն գումարներից, որոնք գոյանում են հասարակության՝ մեր, ձեր, բոլորի վճարած հարկերից և տուրքերից:

Այսինքն՝ մենք հարկեր ենք վճարում, հասարակությունը հարկեր է վճարում, որպեսզի կառավարությունը 54 միլիոն դրամ հատկացնի ինչ-որ մի երգչուհու համերգի համար: Եվ սա այն երգչուհին է, որը մարտի 1-ի զոհերի մասով արել էր հայտնի հայտարարությունը՝ «մահացել են, իրենք են մեղավոր որ մահացել են, թող այնտեղ չլինեին, չմահանային»:

Այսինքն՝ իշխանությունները, իհարկե, փոքր-ինչ ուշացումով, սակայն իրենց շնորհակալությունն ու երախտագիտությունն են հայտնում Նունե Եսայանին՝ նման բարձր «քաղաքացիական» կեցվածքի և գիտակցության համար: Միևնույն ժամանակ, իշխանությունները սույնով նաև ազդակ են տալիս շոու-բիզնեսի մյուս բոլոր աստղերին, որ նրանք, ովքեր իշխանություններին տարատեսակ ծառայություններ են մատուցում՝ թեկուզ բարոյական, նման շռայլ կերպով վարձատրվում են անմիջապես պետական բյուջեից: Եվ այս մեսիջը, որ հղվում է իշխանությունների կողմից, ամենևին էլ չի կարելի պատահական համարել: Բանն այն է, որ մի քանի ամիս առաջ տրանսպորտի թանկացման դեմ պայքարին միացան նաև շոու-բիզնեսի հայտնի ներկայացուցիչներ, որոնք կանգնեցին հասարակության կողքին: Այսօր ևս տրանսպորտի թանկացման հարցն է իշխանությունը պատրաստվում մեջտեղ բերել: Եվ այս անգամ իշխանությունները շոու բիզնեսին, ըստ էության, շատ կոնկրետ առաջարկ են անում՝ ցույց տալով, թե ինչ և ինչքան են շահում այն «աստղերը», որոնք կանգնում են իշխանությունների, ոչ թե հասարակության կողքին:

14:34
Շաբաշ Նունե Եսայանին և մեսիջ շոու-բիզնեսին
Просмотров: 389 | Добавил: Aramik(admin) | Рейтинг: 5.0/10
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Войти Зарегистрироваться