Մոդել-դերասան Մովսես Երեմյանի համար այսօրը շնորհավորանքներով լի է եղել: Նա նշում է ծննդյան 21-ամյակը: Քիչ առաջ Մովսեսը, ընդունելով մեր շնորհավորանքը, նշեց, որ պատրաստվում է գնալ այն վայրը, ուր իրեն ընկերներն են հրավիրել. «Դեռ չգիտեմ ինչ է սպասվում ինձ: Սպասում եմ անակնկալի»:
Դերասանի փոխանցմամբ` կեսգիշերին ընկերների հետ է եղել, ովքեր շնորհավորել են իրեն ու իրենց բարեմաղթանքները հղել: Կեսգիշերին նրան շնորհավորել է նաև ընկերուհին, ով այժմ ԱՄՆ-ում է:
Մովսեսի խոսքերով` այս տարի հիմնականում օծանելիք է նվեր ստացել, սակայն ինքը հետաքրքիր նվերներ է սիրում, որոնց դեռ սպասում է: 21 տարիների իր ծննդյան տոներից դերասանն առանձնացրեց նախորդ տարվա ծնունդը, երբ գործընկերներն անակնկալ են մատուցել իրեն. «Այդ ժամանակ նկարահանվում էի «Գեներալի աղջիկը» սերիալում: Կեսգիշերին գործընկերներս եկան մեր բակ ` տորթով, փուչիկներով ու բարձր երաժշտությամբ ինձ շնորհավորելու»:
ESem.am-ը շնորհավորում է Մովսեսին և խոստանում առաջիկայում ներկայացնել, թե ինչ անակնկալ են մատուցել մոդելին այս տարի:
