Ladynews.am-ը գրում է.
Ladynews.am-ի հյուրասրահում է երգիչ Միհրան Ծառուկյանը:
-Միհրա´ն, Ձեր գրեթե բոլոր երգերը սիրո մասինն են, իսկ կասե՞ք ինչ է սերը Ձեզ համար:
-Յուրաքանչյուր մարդ յուրովի է հասկանում և մեկնաբանում ինչ է սերը: Երբ ես սիրում եմ, ինձ մոտ ամեն ինչ դառնում է լուսավոր ու պայծառ, դրականը գերիշխում է, մարդը դառնում է ավելի բարի:
-Հաճախ եք սիրահարվո՞ւմ:
-Այո´, հաճախ կարող եմ սիրահարվել, բայց այնպես չէ, որ սիրահարվելու համար պետք է տվյալ մարդու հետ շփվեմ կամ ճանաչեմ. դա ինչ-որ ակնթարթ է լինում է և անցնում:
-Իսկ սիրե՞լ:
-Սիրելը դժվարությամբ եմ սիրում: Սերը ընթացքում է ծնվում, ժամանակ է պետք, որպեսզի իսկապես սիրես մարդուն:
-Այսինքն չեք հավատում կա «սեր առաջին հայացքից»:
-Հնարավոր է կա, բայց ես այդքան էլ չեմ հավատում, այդպիսի բան շատ հազվադեպ կարող է պատահել: Մտածում եմ ինձ հետ դժվար նման բան լինի:
-Ձեր «Սրտիս ուզածը» երգում կարևորում եք աղջկա «հասարակ պահվածքը», իսկ իրականում է՞լ է այդպես:
-Իսկապես շատ եմ կարևորում, որ աղջիկը գոռոզ չլինի, բայց ամեն դեպքում շատ «հասարակ պահվածքն » էլ ցանկալի չէ:
-Ինչպիսի՞ արտաքին տվյալներ պետք է ունենա աղջիկը, որպեսզի Ձեզ միանգամից գրավի:
-Չկան ինչ-որ հստակ տվյալներ, ես դա ուղղակի զգում եմ, թեկուզ աղջկա հայացքից: Ինձ համար շատ կարևոր է աղջիկը հոգեպես «սիրուն» լինի:
- Միհրա´ն, ի՞նչն եք առաջին հերթին կարևորում աղջկա մեջ:
-Միանշանակ կարևորում եմ համեստությունը, բայց նորից չափի մեջ:
-Իսկ ի՞նչն է, որ միանգամից Ձեզ կվանի աղջկանից:
-Ինձ նյարդայնացնում են շատախոս աղջիկները, ովքեր անդադար կարող են խոսել: Նյարդայնացնող կարող է լինել, երբ ընկերուհիս կամ հավանածս աղջիկը ինչ-որ բան ասեմ և «ինձ չլսի»
-Կին-տղամարդ հարաբերություններում հավասարությանը ո՞նց եք վերաբերում:
-Շատ նորմալ, կողմ եմ, որ կինն աշխատի, ինչ-որ օրենքներից այդպես տեղյակ չեմ, բայց մարդկայնորեն հավասարությունը, իհարկե, նորմալ է:
-Խոսեցիք աշխատանքից, իսկ աղջկա աշխատանքային բնագավառը կկարևորե՞ք ընտրություն կատարելիս:
-Կցանկանայի շոու բիզնեսից չլիներ:
-Գուցե խա՞նդն է պատճառը:
-Ոչ թե գուցե, այլ հաստատ խանդն է պատճառը:
- Եթե սիրեք, ինչքա՞ն եք պատրաստ պայքարելու հանուն այդ սիրո:
-Եթե սիրում ես, չես կարող չպայքարել ու դա որոշելով չէ. սիրում ես ու ինքնըստինքյան պայքարում:
-Մեր ազգային ավանդույթները օրեցօր հօդս են ցնդում, ո՞նց եք վերաբերում այդ երևույթին:
-Շատ վատ է. ինքս ավանդապաշտ եմ ու կուզեի, որ մեր ավանդությները պահպանվեին:
-Օրինակ որո՞նք:
-Բարոյականությունը:
-Արտերկրում շատ եք լինում, կարծում եմ օտարազգի աղջիկների հետ շփումն էլ անխուսափելի է, հնարավո՞ր Ձեր ընտրյալը լինի օտարազգի:
-Ո´չ:
-Հաճախ եք հայտնվում ցանկալի փեսացուների շարքում, ե՞րբ եք պատրաստվում լքել այդ շարքերը, կա՞ ինչ-որ մեկն արդեն:
-Ո´չ, չկա, հենց լինի կլքեմ:
